Cantonese.md

關於我哋

Cantonese.md 係一個由開源社群推動嘅計劃，一齊記錄、整理同傳承我哋珍貴嘅粵語文化。

傳承民間語言智慧

粵語入面有好多民間智慧同獨特嘅表達方式，好似歇後語、俗語咁。不過隨住時代變遷，好多珍貴嘅本土語言文化都慢慢流失緊。Cantonese.md 想做一個現代化、易用又開放嘅平台，將依啲寶貴嘅粵語文化遺產好好咁保存落嚟。

一齊建立社群知識庫

依個計劃係完全開源嘅。無論你係粵語母語人士、文化研究者，定係純粹鍾意粵語嘅朋友，我哋都歡迎你嚟幫手。你可以貢獻新詞彙、改正錯漏、又或者幫手改善網站功能，為保育粵語出一分力。

為 AI 時代做好準備

喺 AI 時代，一種語言能唔能夠生存，好大程度上睇佢喺網上有幾多足跡。偏偏高質素嘅粵語資料好少，依家嘅 AI 處理粵語仲有好大進步空間。Cantonese.md 將所有資料用 Markdown (.md) 格式儲存，唔單止方便大家透過 GitHub 一齊編輯，仲可以用作高質素嘅粵語數據集，幫 AI 更加識聽、識講粵語。